Дзень пачаўся з важнай і актуальнай "Хвілінкі здароўя", прысвечанай прафілактыцы грыпу. Дзеці даведаліся, як абараніць сябе ад захворвання і падтрымаць імунітэт у зімовы перыяд. Працягнуўся дзень кіналекторыем "Петарды. Навагоднія хлапушкі", які прайшоў у рамках рэспубліканскай акцыі "Бяспечны Новы год". Дзеці даведаліся аб правілах бяспечнага абыходжання з піратэхнікай і важнасці адказных паводзін у святочныя дні. На працягу дня праводзіліся хвіліны зносін і бяспекі, прысвечаныя правілам дарожнага руху (ПДР), пажарнай бяспекі (ППБ) і правілам паводзін у грамадскіх месцах. Гэтыя мерапрыемствы дапамаглі замацаваць важныя веды і навыкі, неабходныя для бяспекі. Найцікавая пазнавальная гутарка з прэзентацыяй, якая распавядае аб традыцыях святкавання Новага года ў розных краінах свету, пашырыла кругагляд рабят і паказала разнастайнасць культур. А пасля ўдзельнікаў чакала займальная інтэлектуальная віктарына "Новы год у розных краінах", дзе яны змаглі прадэманстраваць свае веды і эрудыцыю. Спартыўныя спаборніцтвы "Спартландыя: У снежным царстве, марознай дзяржаве" зарадзілі ўсіх энергіяй і пазітывам. Напрыканцы Дня цудаў прайшла рэфлексія, дзе хлопцы падзяліліся сваімі ўражаннямі і эмоцыямі. Дзень цудаў у лагеры "Сонейка" стаў сапраўдным святам для дзяцей, напоўненай весялосцю, пазнавальнымі актыўнасцямі і важнымі ведамі. Мы дзякуем усім удзельнікам і арганізатарам за стварэнне такой выдатнай атмасферы!