Графік кансультацый:
для навучэнцаў -
серада з 12.00 да 13.00,
для законных прадстаўнікоў -
чацвер з 15.30 да 16.30
для педагогаў -
аўторак з 14.00 да 15.00
Адрас электронай пошты: soz_ped@bk.ru
Педагог сацыяльны ажыццяўляе комплекс мерапрыемстваў па сацыяльнай абароне, выхаванні і развіцці навучэнцаў установы адукацыі ў сферы бліжэйшага атачэння: навучальным калектыве, сям'і, па месцы жыхарства. Забяспечвае сацыяльна-педагагічную падтрымку і дапамогу педагогам пры арганізацыі ўзаемадзеяння з вучнямі і іх бацькамі. Значнае месца ў практыцы работы педагога сацыяльнага займае сацыяльнае пасярэдніцтва - садзейнічанне вырашэнню ўзніклых праблем у сістэме сацыяльных узаемадзеянняў у якасці прадстаўніка навучэнцаў.
Педагог сацыяльны дапамагае навучэнцам арыентавацца ў навакольным свеце, садзейнічае таму, каб кожны з іх пры неабходнасці перагледзеў свае жыццёвыя каштоўнасці, паверыў у сябе, быў здольны прыняць і асвоіць пазітыўныя нормы арганізацыі сваёй жыццядзейнасці.
Да педагога сацыяльнага могуць звярнуцца па дапамогу навучэнцы, педагогі, бацькі ў цяжкія хвіліны свайго жыцця, атрымаць падтрымку словам і справай.
Дзейнасць педагога сацыяльнага арганізуецца з улікам патрабаванняў сучаснасці, асаблівасцей установы адукацыі, кантынгенту навучэнцаў, сацыяльнага статусу іх сем'яў і ўзроўню культуры, запытаў педагогаў, бацькоў, навучэнцаў.
Асноўнымі напрамкамі дзейнасці педагога сацыяльнага з'яўляюцца:
1. Дыягностыка (даследаванне, вывучэнне) умоў жыцця і сацыялізацыі навучэнцаў у сям'і, установе адукацыі, па месцы жыхарства.
2. Прафілактыка і асвета, якія мяркуюць як правядзенне мерапрыемстваў па ліквідацыі і папярэджанні прычын, умоў і фактараў, якія выклікаюць тыя ці іншыя адхіленні ў паводзінах навучэнцаў, фарміраванне установак на здаровы лад жыцця; аказанне дапамогі ў розных відах сацыяльна-значнай дзейнасці, арганізацыі вольнага часу навучэнцаў, так і асвета бацькоў, педагогаў па іх запыце, выніках дыягностыкі.
3. Метадычная праца:
- вывучэнне і абагульненне вопыту сацыяльна-педагагічнай работы;
- распрацоўка метадычных матэрыялаў па пытаннях развіцця, выхавання, навучання, сацыялізацыі навучэнцаў, праблемах сям'і, абароны дзяцінства;
- назапашванне метадычных матэрыялаў;
- удзел у педагагічных парадах, нарадах, метадычных аб'яднаннях;
- удзел у арганізацыі і правядзенні семінараў-практыкумаў, канферэнцый і г.д.
4. Ахова правоў і законных інтарэсаў непаўналетніх:
- абарона правоў дзяцей-сірот, дзяцей, якія засталіся без апекі бацькоў;
- аказанне дапамогі непаўналетнім, якія знаходзяцца ў сацыяльна-небяспечным становішчы, якія прызнаны маючымі патрэбу ў дзяржаўнай абароне, навучэнцам - інвалідам; навучэнцам з няпоўных, шматдзетных, малазабяспечаных сем'яў;
-прадстаўленне інтарэсаў непаўналетніх навучэнцаў пры ўзаемадзеянні з органамі аховы правапарадку, КСН, у судзе.
Для паўнацэннай арганізацыі сваёй дзейнасці педагог сацыяльны ўзаемадзейнічае з інспекцыямі і камісіямі па справах непаўналетніх; органамі апекі і папячыцельства; праваахоўнымі і праваабарончымі органамі; цэнтрамі карэкцыйна-развіваючага навучання і рэабілітацыі; сацыяльна-педагагічным цэнтрам і іншымі сацыяльнымі інстытутамі пры неабходнасці.
Акрамя таго, педагог сацыяльны:
• 2 разы на год на аснове вывучэння соцыума ўстановы адукацыі складае сацыяльна-дэмаграфічны пашпарт;
• ажыццяўляе комплекс мерапрыемстваў па рэалізацыі Дэкрэта Прэзідэнта Рэспублікі Беларусь ад 24 лістапада 2006 г. №18 "Аб дадатковых мерах па дзяржаўнай абароне дзяцей у нядобранадзейных сем'ях" (у рэдакцыі Дэкрэта Прэзідэнта Рэспублікі Беларусь №5);
• вядзе ўлік розных катэгорый навучэнцаў, сем'яў;
• праводзіць сацыяльна-педагагічнае кансультаванне па запыце;
• з дапамогай дыягностыкі выяўляе праблемнае поле навучэнцаў, бацькоў, педагогаў;
• праводзіць працу з навучэнцамі ў навучальным калектыве, у сям'і;
• садзейнічае стварэнню педагагічна арыентаванага асяроддзя;
• забяспечвае сацыяльна-педагагічную падтрымку сям'і ў развіцці асобы навучэнца;
• прымае ўдзел у арганізацыі сацыяльна значнай дзейнасці навучэнцаў, садзейнічае развіццю маладзёжных ініцыятыў, творчага патэнцыялу, самадзейнасці навучэнцаў;
• вядзе неабходную ўлікова-справаздачную дакументацыю.
Работа будуецца на аснове дыягностыкі, аналізу даных сацыяльна-педагагічнай характарыстыкі з улікам спецыфікі ўстановы адукацыі, кантынгенту навучэнцаў, бацькоў, педагогаў, што дае магчымасць своечасова рэагаваць на праблемы.