Мерапрыемства прымеркавана да памятных дат ваеннай гісторыі - Перамогі савецкага народа ў Вялікай Айчыннай вайне, Дня ўсенароднай памяці ахвяр Вялікай Айчыннай вайны і генацыду беларускага народа.
Акцыя накіравана на выхаванне ў падрастаючага пакалення патрыятычных і духоўна-маральных якасцей на прыкладах баявых і працоўных подзвігаў беларускага народа і праводзіцца з мэтай захавання гістарычнай памяці аб подзвігу савецкага народа ў гады Вялікай Айчыннай вайны, фарміравання ў падрастаючага пакалення патрыятычных якасцей і паважлівых адносін да абаронцаў.
Удзельнікі акцыі: навучэнцы ўстаноў агульнай сярэдняй адукацыі, сярэдняй спецыяльнай адукацыі Мінскай вобласці.
Рэкамендуемыя напрамкі і формы працы
Інфармацыйна-асветніцкая дзейнасць:
- урокі памяці "Дарогамі Перамогі", "Героі жывуць побач", "Іх подзвіг у памяці нашчадкаў захаваем" і інш. з запрашэннем ветэранаў, сведкаў падзей, прадстаўнікоў грамадскіх арганізацый;
- тэматычныя інфармацыйныя гадзіны, вусныя часопісы, лекторыі («Маленькія героі вялікай вайны», «Хатынь: боль і памяць», «Генацыд беларускага народа: факты і ўрокі» і інш.);
- арганізацыя тэматычных выстаў "Вялікая Айчынная вайна ў лёсе маёй сям'і" (фатаграфій, дакументаў, лістоў, асабістых рэчаў);
- прагляд і абмеркаванне дакументальных і мастацкіх фільмаў аб Вялікай Айчыннай вайне;
- конкурсы сачыненняў, эсэ, малюнкаў, плакатаў, відэаролікаў “Памяць у нашых сэрцах” і інш.;
- сустрэчы з воінамі-інтэрнацыяналістамі;
- правядзенне сумесных мерапрыемстваў з прадстаўнікамі ветэранскіх грамадскіх аб'яднанняў.
Пошукава-даследчая праца:
- правядзенне пошукава-даследчых экспедыцый па зборы матэрыялаў аб Вялікай Айчыннай вайне, зорных паходаў, экскурсій;
- вывучэнне сямейных архіваў;
- запіс успамінаў удзельнікаў і відавочцаў ваенных падзей (праект "Жывыя галасы гісторыі");
- работа з электроннымі рэсурсамі (ОБД "Мемарыял", "Подзвіг народа" і інш.) для ўдакладнення лёсаў загінуўшых;
- узаемадзеянне з грамадскімі аб'яднаннямі, з ветэранамі Вялікай Айчыннай вайны, іх сваякамі, працаўнікамі тылу;
- стварэнне інтэрактыўных карт памятных месцаў свайго рэгіёна;
- стварэнне (папаўненне) "Кніг памяці", папаўненне банка даных аб ветэранах і працаўніках тылу.
Валанцёрская грамадска-карысная дзейнасць:
- шэфства над ветэранамі Вялікай Айчыннай вайны, працаўнікамі тылу, вязнямі канцлагераў, адзінокімі пажылымі людзьмі (акцыі "Дом без адзіноты", "Добрае сэрца - ветэранам" і інш.);
- добраўпарадкаванне воінскіх пахаванняў, мемарыялаў, абеліскаў, брацкіх магіл;
- працоўныя дэсанты па навядзенні парадку на прысядзібных участках ветэранаў Вялікай Айчыннай вайны, пажылых землякоў.
Мемарыяльныя і ўрачыстыя мерапрыемствы:
- Вахты памяці, мітынгі, цырымоніі ўскладання кветак да памятных месцаў ваенных падзей;
- літаратурна-музычныя кампазіцыі, фестывалі патрыятычнай песні, тэматычныя вечары-рэквіемы.
Экскурсійная і музейная дзейнасць:
- арганізацыя экскурсій у музеі воінскай славы, мемарыяльныя комплексы ("Хатынь", "Трасцянец", "Курган Славы", "Брэсцкая крэпасць-герой", "Лінія Сталіна" і інш.);
- правядзенне ў музеях устаноў адукацыі ўрокаў мужнасці, квэстаў, міні-спектакляў, тэматычных выставак.
У рамках правядзення акцыі прадугледжана інфармацыйнае суправаджэнне:
- стварэнне на сайтах устаноў адукацыі раздзела (рубрыкі) «Іх подзвіг у памяці нашчадкаў захаваем - 2026»;
- рэгулярнае асвятленне ходу акцыі на сайтах устаноў адукацыі, у сацыяльных сетках, на інфармацыйных стэндах, у школьных газетах і г.д., публікацыя лепшых даследчых работ, відэаінтэрв'ю, фотаматэрыялаў;
- падрыхтоўка выніковых рэпартажаў, прэс-рэлізаў для СМІ.
Выніковая інфармацыя аб правядзенні мерапрыемстваў акцыі будзе размешчана на афіцыйных сайтах устаноў адукацыі для свабоднага азнаямлення шырокай грамадскасці.
Рэкамендацыі па правядзенні акцыі ва ўстановах адукацыі Мінскай вобласці