Кіраўнік: Педагог дадатковай адукацыі Хахранская Анастасія Віктараўна.
Профіль аб'яднання: дэкаратыўна - прыкладная творчасць.
Цудаў на свеце не бывае
Пакуль рукамі іх не створыш
З паперы, нітак, тканіны
Запрашаем прыгажосць тварыць….
Станеш ты цудоўным чараўніком, калі гурток наш будзеш наведваць
І рамяством сваім сяброў і блізкіх будзеш здзіўляць.
Мэта аб'яднання: развіццё творчых здольнасцей і духоўна-маральных якасцей асобы шляхам далучэння вучняў да вытокаў і традыцый дэкаратыўна-прыкладной творчасці; фарміраванне патрэбнасці ў творчай самарэалізацыі сродкамі дэкаратыўна-прыкладной творчасці.
Задачы аб'яднання: фармаваць пашыраць і паглыбляць веды вучняў па гісторыі развіцця дэкаратыўна-прыкладной творчасці Беларусі і іншых краін; фарміраваць уменні і навыкі па скрапбукінгу, развіваць фантазію, вобразнае, асацыятыўнае і лагічнае мысленне, творчую актыўнасць і самастойнасць; выхоўваць працавітасць, творчую ініцыятыву, спагадлівасць на мастацкую выдумку, беражлівыя адносіны да традыцыйнай народнай культуры, любоў да прыроды.
Рабяты з задавальненнем наведваюць аб'яднанне па інтарэсах «Цуды сваімі рукамі». Кожны занятак праходзіць цікава і пазнавальна, бо на гуртку кожны можа змайстраваць сваімі рукамі розныя вырабы з тканіны, фетру, пацерак, паперы і кардона, падарункі, сувеніры з прыроднага матэрыялу і салёнага цеста.
Калектыўная работа дазваляе згуртаваць і пасябраваць калектыў паміж сабой, прыцягнуць да ўдзелу ў грамадскіх справах школы, выставах і конкурсах.
разгарнуць » / « згарнуць