На хвілінцы здароўя "Уплыў кампутара на здароўе чалавека" хлопцы даведаліся аб тым, як выкарыстанне кампутараў можа ўплываць на іх здароўе і як важна выконваць баланс паміж адпачынкам і вучобай. Падчас хвілінкі зносін і бяспекі "Адзін дома!" абмеркавалі правілы бяспекі, калі застаешся дома аднаму, што дапамагло дзецям лепш зразумець, як абараніць сябе ў розных сітуацыях. Здзейснілі добрую справу падчас акцыі "Клопат". Дзеці праявілі клопат аб прыродзе, падкормліваючы птушак.

Гадзіна зносін "Лагер – нашы ўражанні" дазволіла хлопцам падзяліцца сваімі ўражаннямі аб праведзеным часе ў лагеры, расказваючы пра самыя запамінальныя моманты.

Напрыканцы дня дзеці стварылі ўнікальныя падарункі "Цуды на Каляды", якія яны змогуць падарыць сваім блізкім. І выканалі апошняе заданні ад "Чароўнай ялінкі". На "Экране настрою" на працягу ўсёй змены хлопцы пакідалі толькі станоўчыя эмоцыі.

І кожны сышоў дадому з добрым настроем і, вядома, з падарункамі!

Да новых сустрэч!