24 траўня ў нашай школе адбылася ўрачыстая лінейка, прысвечаная святу Апошняга званка. Гэта асаблівы дзень для ўсіх вучняў, настаўнікаў і бацькоў, бо ён сімвалізуе завяршэнне навучальнага года і падрыхтоўку да новых дасягненняў.
У гэтым годзе 8 выпускнікоў 9 класа развіталіся са школай. На мерапрыемстве гучалі цёплыя віншаванні ад дырэктара школы Юрыя Сцяпанавіча Паляшчука, які пажадаў выпускнікам поспехаў і натхнення ў будучыні. Таксама словы наказу прагучалі ад намесніка дырэктара ААТ "Вітко-Агра" Сяргея Генадзевіча Дзічкоўскага, класнага кіраўніка, бацькоў і першакласнікаў. Адмысловым момантам стала загадванне выпускнікамі сваіх запаветных жаданняў і павязванне стужачак на "дрэва жаданняў" - новую школьную традыцыю, якая сімвалізуе надзеі і мары на будучыню. Гэты рытуал стаў яркім завяршэннем урачыстай лінейкі і напамінкам аб важнасці веры ў свае сілы. Дзень Апошняга званка пакінуў ва ўсіх удзельнікаў цёплыя ўспаміны і натхніў на новыя дасягненні.