Раніца пачалася з бадзёрай гімнастыкі «Мы - бадзёрыя, вясёлыя!», якая зарадзіла ўсіх энергіяй і добрым настроем. Затым дзеці прынялі ўдзел у навучальным занятку па бяспечнай жыццядзейнасці "Бяспека на вадзе", дзе даведаліся, як важна выконваць правілы бяспекі ля вады. У гульні-віктарыне "Беларусь у маім сэрцы" школьнікі пазнаёміліся з гісторыяй і культурай сваёй краіны, а стваралі калаж "Свет, у якім я жыву", выказваючы свае мары і погляды на будучыню.

Дзень прадоўжыўся гадзінай спорту "Спартыўная кругасветка", дзе хлопцы спаборнічалі ў розных спартыўных гульнях. Напрыканцы дня быў прагляд відэафільма, прысвечанага героям і памяці. У канцы мерапрыемства ўсе разам падводзілі вынікі, запаўнялі экран настрою - гэта дапамагло кожнаму выказаць свае пачуцці і думкі аб значнасці гэтага дня. Такі насычаны дзень пакінуў у сэрцах школьнікаў цёплыя ўспаміны і гонар за сваю краіну.