Замест звыклых парт і падручнікаў - свежае паветра і працоўны інвентар. Сумесна з работнікамі гаспадаркі юнакі і дзяўчаты правялі маштабную акцыю па навядзенні парадку на тэрыторыі аграгарадка. Школьнікі ачысцілі вуліцы ад бытавога смецця і леташняй лістоты, прывялі ў парадак грамадскія тэрыторыі. Кіраўніцтва гаспадаркі выказала шчырую ўдзячнасць нашым хлопцам, адзначыўшы іх высокую працаздольнасць, дысцыплінаванасць і адказныя адносіны да справы. Такія працоўныя акцыі не толькі дапамагаюць навесці парадак, але і выхоўваюць у моладзі павагу да працы, пачуццё дачынення да жыцця роднага краю і гатоўнасць прыйсці на дапамогу.