Падчас заняткаў пяцікласнікі разважалі аб тым, што культура — гэта не толькі веданне правілаў этыкету, але і павага да навакольных, уменне слухаць і чуць, клопат аб блізкіх, беражлівыя адносіны да прыроды, роднай мовы і традыцый свайго народа. Хлопцы прыйшлі да высновы: культурны падлетак - гэта той, хто паводзіць сябе годна ў школе, дома і грамадскіх месцах, умее прызнаваць свае памылкі, не баіцца сказаць "дзякуй" і "калі ласка", паважае старэйшых і клапоціцца аб малодшых.Школьнікі актыўна ўдзельнічалі ў абмеркаванні, прыводзілі прыклады з жыцця, аналізавалі розныя сітуацыі. Заняткі дапамаглі дзецям задумацца пра ўласныя паводзіны і зразумець: быць культурным — значыць кожны дзень рабіць выбар на карысць дабра, адказнасці і павагі да іншых. Менавіта з такіх маленькіх крокаў пачынаецца вялікая культура чалавека і грамадства.