У гэты дзень гучалі вершы і песні ваенных гадоў у выкананні вучняў школы. Дзеці з асаблівым трапятаннем і павагай чыталі радкі, прысвечаныя подзвігу савецкага народа, гераізму салдат і працаўнікоў тылу.

Асабліва кранальным момантам стала запальванне свечкі памяці. Яе агонь сімвалізаваў светлую памяць аб тых, хто не вярнуўся з палёў бітваў, хто загінуў, абараняючы нашу Радзіму. Дзеці і педагогі ўшанавалі памяць загінуўшых герояў хвілінай маўчання.

Затым удзельнікі мерапрыемства ўсклалі вянок і кветкі да помніка загінуўшым аднавяскоўцам - даніну павагі землякам, якія цаной свайго жыцця падарылі нам мірнае неба.

Мы памятаем! Мы ганарымся! Вечная слава героям! 🇧🇾🕯️🌹