У пазнавальнай праграме дзеці ў гульнявой форме знаёміліся з карыснымі і шкоднымі звычкамі, вучыліся адрозніваць "добра" ад "дрэнна". На хвілінцы бяспекі паўтарылі правілы: як паводзіць сябе пры сустрэчы з атрутнымі раслінамі, каб не нашкодзіць сабе. Хвілінка здароўя «Зарадка для розуму і цела» узбадзёрыла ўсіх удзельнікаў перад галоўнай падзеяй дня - Малымі Алімпійскімі гульнямі. Вясёлыя старты, камандныя эстафеты і дух сумленнага саперніцтва аб'ядналі хлопчыкаў і дзяўчынак у імкненні да перамогі і здаровага ладу жыцця. Завяршыўся дзень творча: дзеці стварылі яркі плакат "Мы за ЗОЖ!", дзе кожны пакінуў свой след - малюнак, пажаданне або сімвал здароўя. Дзень атрымаўся актыўным, пазнавальным і яшчэ раз нагадаў: здароўе - галоўнае багацце, якое трэба берагчы ззамаладу.