У навучальных аўдыторыях будучыя выпускніцы змаглі не толькі назіраць, але і паспрабаваць свае сілы ў сапраўдных медыцынскіх маніпуляцыях. Пад кіраўніцтвам вопытных выкладчыкаў старшакласніцы трэніраваліся ставіць уколы на муляжах, асвойвалі тэхніку штучнага дыхання і вучыліся правільна накладваць розныя віды павязак. Кожная з дзяўчат паспрабавала сябе ў ролі медсястры: ад простай перавязкі да рэанімацыйных мерапрыемстваў. Атрыманыя навыкі, безумоўна, спатрэбяцца ім не толькі ў будучай прафесіі, але і ў жыцці. Экскурсія стала важным этапам прафарыентацыйнай працы. Магчыма, менавіта пасля такіх заняткаў нехта з дзяўчат цвёрда вырашыць звязаць сваё жыццё з медыцынай — самай гуманнай і патрэбнай прафесіяй.