У рамках праекта "Прафесіі нашых мам" хлопцы расказалі аб рабоце сваіх мам - цікава, займальна і з любоўю. А за круглым сталом "Традыцыі нашай сям'і" дзяліліся самымі цёплымі сямейнымі гісторыямі: як сустракаюць святы, якія стравы гатуюць разам, чаму вучаць бабулі і дзядулі. На хвілінцы бяспекі "Адзін дома" паўтарылі важныя правілы: як паводзіць сябе з незнаёмцамі, чаму нельга чапаць электрапрыборы без дарослых. А хвіліна здароўя нагадала: карысныя прадукты - заклад бадзёрасці і добрага настрою. Рухомыя "Вясёлыя старты" падарылі зарад энергіі і камандны дух. А творчая частка - майстар-клас па стварэнні пано "Мая сям'я" - стала сапраўдным упрыгожаннем дня: кожны ўклаў часцінку душы, малюючы свой дом і сваіх блізкіх. Завяршыўся дзень традыцыйным запаўненнем экрана настрою - і ён быў поўны ўсмешак. Бо сям'я - гэта тое, што робіць нас мацней і шчаслівей.